AMADA tərəfindən təqdim olunan antidopinq təhsil imkanlarının müxtəlifliyini kəşf edin. Qısa rəqəmsal kurslardan əhatəli əyani seminarlara qədər ehtiyaclarınıza uyğun öyrənmə formatını seçin.
Təhsil proqramları
Daha ətraflı məlumat almaq, hədəf qrupları ilə tanış olmaq və sessiya üçün müraciət etmək üçün aşağıdakı proqramlardan birini seçin:
Elektron öyrənmə (ADEL)
Ümumdünya Antidopinq Agentliyi (WADA) tərəfindən təqdim olunan ADEL platformasında onlayn kursları tamamlayın və müvafiq sertifikat əldə edin.
Seminarlar
AMADA tərəfindən keçirilən interaktiv əyani sessiyalar.
Vebinarlar
Müxtəlif mövzular üzrə keçirilən və istənilən yerdən qoşulmaq imkanı verən onlayn sessiyalar.
Təbliğat proqramları
İdman tədbirləri zamanı keçirilən maarifləndirici fəaliyyətlər və interaktiv təşəbbüslər.
Məktəb proqramları
Təhsil müəssisələrində həyata keçirilən dəyərlərə əsaslanan antidopinq təhsili.
Tibb mütəxəssisləri üçün təhsil
İdman həkimləri və digər tibb mütəxəssisləri üçün təlim proqramları.
İdman Federasiyaları üçün proqramlar
Milli federasiyalar üçün nəzərdə tutulmuş planlı və birgə təhsil fəaliyyətləri.
Sessiya üçün müraciət et
Federasiya, klub və ya təhsil müəssisəsi olaraq, AMADA-dan xüsusi antidopinq təhsil sessiyası tələb edə bilərsiniz:
Elektron öyrənmə (ADEL)
ADEL platforması müxtəlif hədəf qrupları üçün interaktiv onlayn təhsil modulları təqdim edir. Müəyyən ADEL kurslarının tamamlanması milli və ya beynəlxalq idman tədbirlərində iştirakdan əvvəl tələb oluna bilər.
- İstənilən vaxt və istənilən yerdən çıxış imkanı
- Çoxdilli interfeys və məzmun
- Tamamlandıqdan sonra yoxlanıla bilən rəqəmsal sertifikat
- Müxtəlif hədəf qruplarına uyğunlaşdırılmış kurslar (məsələn, tibb mütəxəssisləri üçün proqramlar və s.)
Elektron öyrənmə (ADEL) resurslarına daxil olmaq üçün aşağıdakı linkdən istifadə edin:
Vebinarlar
AMADA mütəmadi olaraq, Qadağan olunmuş siyahıdakı dəyişikliklər, Terapevtik İstifadə üçün İstisna (Tİİ) prosesi və antidopinq siyasətində yeniliklər kimi aktual mövzular üzrə vebinarlar təşkil edir.
- Antidopinq üzrə mütəxəssislərlə canlı sual-cavab imkanı
- Məsafədən qoşulma imkanı
- Sessiyaların sonradan baxış üçün resurs bazasında yerləşdirilməsi
- Cari dəyişikliklər və yeniliklərə fokuslanmış məzmun
Seminarlar
AMADA tərəfindən ölkə üzrə əyani seminarlar təşkil olunur. Bu sessiyalar interaktiv müzakirə, sual-cavab və praktiki nümayiş imkanları yaradır.
- AMADA tərəfindən həyata keçirilir
- Ssenari əsaslı öyrənmə və praktiki nümunələr
- Dopinq nəzarəti prosedurlarının nümayişi
- Müvafiq idman qurumlarının bazasında təşkil oluna bilər
Təbliğat proqramları
Yarışlar, turnirlər və digər idman tədbirləri zamanı AMADA tərəfindən tədbir əsaslı antidopinq maarifləndirmə fəaliyyəti həyata keçirilir.
Milli və beynəlxalq idman tədbirləri zamanı mövcud öyrənmə imkanlarından istifadə etməklə idmançılar və digər iştirakçılar üçün yerində maarifləndirmə təmin olunur. Əsas məqsəd antidopinq qaydaları üzrə biliklərin yarışdan əvvəl möhkəmləndirilməsidir.
- Yarışlara aid antidopinq qaydaları barədə məlumat
- Məlumatlandırıcı materiallar (flayerlər, bukletlər, afişalar)
- AMADA məlumat stendi və sual-cavab imkanları
- QR kodlar vasitəsilə rəqəmsal resurslara çıxış
AMADA-nın tədbir əsaslı təhsil fəaliyyəti WADA tərəfindən müəyyən edilmiş Təhsil üzrə Beynəlxalq Standartın (ISE) tələblərinə uyğun olaraq həyata keçirilir. Bu fəaliyyətlər müvafiq federasiyalar, Milli Olimpiya Komitəsi və tədbir təşkilatçıları ilə əməkdaşlıq çərçivəsində planlaşdırılır.
Azərbaycanda keçiriləcək tədbiriniz üçün AMADA-nın maarifləndirmə fəaliyyətlərini cəlb etmək istəyirsinizsə, aşağıdakı əlaqə vasitəsilə müraciət edə bilərsiniz:
- E-poçt: education@amada.az
- Bizimlə əlaqə →
AMADA-nın həyata keçirdiyi maarifləndirmə tədbirlərindən görüntülərlə tanış ola bilərsiniz.